جلست امرأتان تبدو عليهما علامات المرتبة الاجتماعية العالية
الاولى : شوفتي الراجل جوزي اللي ميتسماش مش راضي يمسح الجزمة الصبح وانا نازلة
التانية : عملتي ايه ؟
الاولى : قطعتها على دماغة وبعته يشتري واحدة تانية
التانية : انا مش عارفة اصلا انتي ازاي عضوه مهمة في الجمعية ولسة محتفظه بالافكار القديمة زي الجواز والخلفة والحاجات البدوية دية
الاولى : بصي يا حبيبتي لازم تفهمي ان الكلام اللي احنا بنقوله عن ان الواحدة هي الاصل وانها مش محتاجة حد ده كلام احنا اخترعناه وضحكنا بيه على الناس علشان السلطة تستنى في ايدينا .
التانية : انتي عارفة ان الملكة مبتحبش حد يفتح المواضيع دي , احنا صرفنا كتير على الاجهزة اللي بنعوض بيها احتياجتنا من وجود الرجالة وكمان على حبوب التستوستيرون *اللي بنصرفها للستات مع بطاقة التموين الالكترونية .
الاولى : طبعا عارفة كمان التطعيم الاجباري للرجالة بالاستروجين* قبل سن البلوغ والمحاولة الفاشلة اللي عملناها في معاملنا السرية في محاولة نزع امعاء الرجالة ووضع حاجة شبيهه بالرحم فيها
التانية : فاكرة كام واحد مات في الموضوع ده كتير
الاولى وهي تضحك : اه فاكره ولما عددهم بدأ يقل حاولوا يفتحوا الكلام عن حاجة كدة اسمها الحزبية ........التعددية.........( وهي تحاول التذكر)
الثانية : التعدد
الاولى ايوه التعدد هوه ده وساعتها قامت قومة الملكة على وزيرة الثقافة والشيخ شيخات انه ازاي الناس لسه فاكره حاجة زي كده
ههههههههه ولا الشيخ شيخات وهوه واقف زي الكتكوت ويقولها طيب ممكن يكون حل مؤقت ونقول انه من اختراعك
التانية: اه الملكة وقتها زغرتله وقالتله انت وظيفتك تقنع الناس ان مفيش حاجة زي كده في الدين وبس الحلول دي بتاعتي انا
ههههههههههههههههههههههه واخذتا في الضحك
الاولى وهي تحاول كف ضحكاتها : نعم وبدأنا عمليات الاستنساخ وتوقفت بعد ظهورر مسخ عجيب شبه الشيطان والناس قعدت تقول المسيح الدجال ظهر وبدأ يهللوا ويكبروا لغاية ممسكناها واعدمناه
التانية : ياشيخة انتي بتضحكي عليا ولا على نفسك التجارب وقفت علشان الفاتيكان هدد هوه والدول اللي وراه بحملة صليبية على الهمجية اللا خلاقية والملكة لمت الدور بعدها .
الاولى : اهوه ده وده بس في الاخير انك تكوني ام وزوجة لراجل بجد دي حاجة تانية خالص شعور كده ولا الافلام بتاعة زمان ,
فكرتيني تصدقي لقيت جوزي مستخبي وبيسمع مسلسل من ما وراء الطبيعة بيتكلم عن واحد اسمه سي السيد وواحدة اسمها امينة تخيلي الست دي كانت بتخاف من جوزها .انا مش عارفة الستات دولة كانوا ستات ازاي
الثانية : وازاي مبلغتيش عنه ؟ممكن يكون وراه تنظيم
الاولى : تنظيم ! لا ده جوزي وانا عارفاه مش ممكن وبعدين الواحدة مننا لازم تسيب جوزها ينفس عن نفسه علشان مينفجرش في وشهها
التانية مش قلتلك الافكار القديمة دي مبيجيش من وراها الا الهم
وبدا النساء يتوافدن لبدء الاجتماع
وفي بداية الاجتماع تحدثت رئيسة الجمعية
احنا جتلنا اخبار من عيونا السرية ان فيه ناس معترضه على حكمنا وبيقول ازاي اقف قدام مراتي في المحكمة والقضاة كلهم حريم والمحامية كمان ونسي لما كنا بنقف احنا برده والقضاة كلهم رجالة وعليه حنبدأ موضوع الاستنساخ تاني في سرية تامة وحنعيش ستات لبعض للابد ولا الحوجة للجنس الاخر ده تاني ونبدأ في محاولة تطهير مملكتنا من كل جنس ذكر .
*التيستوستيرون: هرمون الذكورة
*الاستروجين : هرمون الانوثة
ليست هناك تعليقات:
إرسال تعليق