الأربعاء، ديسمبر 22، 2010

عندما تملك النساء 8 والاخيرة


في القصر الملكي
دخلت وصيفة الملكة وقد نسيت من هول الصدمة البروتوكولات الملكية
الوصيفة : الحقيني يا ستي مصييييييييييييييييييييبة وحلت على دماغنا
الملكة : ايه الكلام اللي انتي بتقوليه ده انتي نسيت انتي بتشتغلي ايه
الوصيفة تولول وهي تقول : ما خلاص يا ستي معدش فيه وظايف خلاص يالهوي يالهوي يالهوووووووووووووووي.
الملكةوقد اسرع التوتر اليها لمجرد الولولة : ايه اللي حصل؟
الوصيفة : انقلاب يا مولاتي الرجالة شايلين عصي ونزلين ضرب في الحريم قصدي في القوات الملكية
الملكة : عصي ؟!امال فين التسليح بتاعنا ؟
الوصيفة :تسليح ايه يا ستي ياريتك شوفتي الحريم قصدي القوات بتاعتنا وهيه بتجري في الشارع ونازلين صويت يا خرابيييييييييييييييييي
الملكة : وهي تضرب صدرها براحة يدها وتلطم خدها بيدها الاخرى : مكنش يومك يا جمالات مكنش يومك يا جمالات غطوني وصوتووووووووووووا غطوني وصوتوا ,يا لهوي يا لهوي يالهويييييييييييييييي
رئيسة الوزراوقد انضمت هي الاخرى لتوها : والشيخ شيخات يا ستي طلع في التلفزيون وقال ان الرجالة دولة دلوقتي هما ولاة الامر والطاعة لمن غلب .
الملكة وقد انهارت تبكي بكاء شديدا وتسال فين اعضاء الوزارة وجمعية النساء القاهرات
رئيسة الوزرا وهي تبكي حتى اصبح المشهد سرادق عزاء نسائي لفقيد حار : خدوا طيارة المراسيم الملكية الخاصة وحاولو يطيرو على برة بس رجعهم الرجالة من الجو بمساعدة الطيارين الرجالة القدام كان فيه تلاتة منهم مستخبيين في الطيارة كانوا بيحسبوكي انتي اللي حتهربي بيها.
الملكة: كل ده ومحدش قالي
الوصيفة باستسلام: منتي مبتحبيش حد يقطع عليكي حمام البخار والزيت يا ستي.
انتهت


هناك 5 تعليقات:

ويكا يقول...

لاااا
الكلام شكله هيكبر
انا انام ياعم وارجعلك فايق

سلام مؤقت

Unknown يقول...

نوم العافية والسلامة

Unknown يقول...

إنت أخدتها من على لساني...

دا انا بكتب فعلا بوست حاليا عن أحبابنا الليبراليين...!!!

كلامك مهم جدا والله.. لكن كتابته بالعامية يطمس - في رأيي - بعض معالمه..

أنا رايح أشوف الباقي....

Unknown يقول...

ماجد ربنا يعينك صدقني متشكر جدا على متابعتك , ابدا البوست ده اعتبره مقدمة استظرافية من واحد غتت لبوست تاني اهم

Unknown يقول...

لاسباب تقسيم البوستات حصل خطأ في ترتيب التعليقات دي تعليقات البوست البربراري 1